Ўзбекистон Республикаси Президенти ҳузуридаги Статистика агентлиги 2023 йилнинг 1 январь ҳолатига республиканинг доимий аҳолиси 36 024 946 кишини ташкил этишини маълум қилди. Мамлакат аҳолиси 2022 йилда 753,6 минг кишига кўпайган.

Маълумотларга кўра, Ўзбекистон аҳолиси 2022 йилнинг ҳар бир ойида ўртача 62,8 минг кишига ошган. 2022 йилнинг ҳар бир кунида доимий аҳоли сони ўртача 2,1 минг кишига кўпаймоқда.

Эслатиб ўтамиз, Ўзбекистон Республикаси доимий аҳоли сони бўйича МДҲда учинчи ўринда, туғилиш кўрсаткичи бўйича биринчи ўринда туради.