Қирғизистон пойтахти Бишкек дунёнинг ҳавоси энг ифлосланган шаҳарлари рейтингида биринчи ўринда турибди. Қирғиз экологларининг сўзларига кўра, қиш фаслида уйлар мўриларидан чиқадиган ҳамда кўмирда ишлайдиган ИЭС ва автомобиллар тутуни Бишкекда ҳаво ифлосланишининг асосий сабабларидир.

Кеча, 8 ноябрь куни Бишкек ҳавосидаги PM2.5 микродисперс зарралар миқдори бир куб метрга 259 микрограммни (мкг) ташкил этиб, дунёдаги меъёрдан 10 бараварга ортиқ бўлган.

Иккинчи ўринда Ҳиндистоннинг Деҳли шаҳри (202 мкг), учинчи ўринда Покистоннинг Лоҳур шаҳри (167 мкг) турибди.