«Ўзавиация» агентлиги “I FLY Airlines” авиакомпаниясига санкция тариқасида Ўзбекистонга чартер парвозларини амалга оширишни вақтинчалик тўхтатиш тўғрисида қарор қабул қилди.

Транспорт вазирлиги хабарига кўра, «I FLY Airlines» авиакомпанияси тегишли рухсатномаларни олмасдан қўпол талабларни равишда бузиб 2021 йил ноябрь ойида Москва – Урганч – Санкт-Петербург – Урганч – Москва, Навоий – Москва ҳамда Санкт-Петербург – Навоий – Санкт-Петербург йўналишларида чартер парвозлари учун авиачипталар сотувини ташкил этган. Натижада авиачиптада кўрсатилган вақтда йўловчилар аэровокзалларга келишган ва белгиланган йўналишда парвознинг бажарилмаслиги йўловчилар ўртасида ижтимоий кескинликка олиб келган.

Шунингдек, вазирлик томонидан авиакомпаниялар томонидан бундай ҳолатлар такрорланган тақдирда «Ўзавиация» агентлиги парвозларни амалга ошириш учун берилган экплуатация рухсатномаларни бекор қилиши маълум қилинди.