Самарқанд вилояти Нарпай туманида бир оила вакиллари ис газидан вафот этди. Бу ҳақда "Kun.uz" хабар бермоқда.

Қайд қилинишича, 2021 йил 22 октябрь куни Нарпай тумани Нарпай маҳалласида яшовчи фуқаро Ж.С., унинг турмуш ўртоғи ва 2 нафар фарзанди яшаш уйида ташқи томонидан тан жароҳатларсиз жонсиз ҳолатда топилган. Дастлабки текширувда уларнинг ис газидан вафот этгани аниқланган.

Ҳодиса юзасидан Нарпай туман прокуратураси томонидан Жиноят кодексининг 259-моддаси 2-қисми «а»,«б» банди билан жиноят иши қўзғатилган. Жиноят иши тергов ҳаракатларни ўтказиш учун Нарпай туман ИИБга юборилган.