Ижтимоий тармоқларда Тошкент шаҳридаги "Magic City" мажмуаси атрофида оммавий жанжал келиб чиққани ҳақидаги видеолар тарқалди. 

Тошкент шаҳар ИИББнинг маълум қилишича, "Magic City" кўнгилочар дам олиш масканида газ тўлдирилган шарларни сотувчи йигитлар – 2000 йилда туғилган У.Д., 2002 йилда туғилган. A.Х., 2003 йилда туғилган И.У., ҳамда 2004 йилда туғилган М.Т.лар ноқонуний савдо қилаётгани учун мажмуанинг қўриқлаш хизмати ходимлари томонидан чиқариб юборилаётганда улар ўртасида ўзаро жанжал юз берган.

Ҳозирда мазкур ҳолат юзасидан Чилонзор тумани ИИО ФМБ томонидан терговга қадар текширув ўтказилмоқда.