Адабиётшунос Наим Каримов «Ўзбекистон Республикасида хизмат кўрсатган ёшлар мураббийи» мукофоти билан тақдирланди.

Фанлар академиясида ХХ аср ўзбек адабиётшунослиги, адабий танқидчилиги, санъатшунослиги ва маданиятшунослиги ривожида устоз-мураббий, етук олим, ЎзФА академиги Наим Каримовнинг 90 йиллигига бағишланган «Ўзбек адабиётшунослигининг долзарб масалалари» мавзусидаги халқаро илмий-амалий анжумани бўлиб ўтмоқда.

Анжуманда Наим Каримов Президент Шавкат Мирзиёев томонидан «Ўзбекистон Республикасида хизмат кўрсатган ёшлар мураббийи» мукофоти билан тақдирланди.

Шунингдек, Президент фармонига кўра, мамлакатимиз илм-фани, адабиёти ва санъатини ривожлантиришга қўшган салмоқли ҳиссаси, жамиятимизнинг ижтимоий-иқтисодий, илмий-техник ва маънавий-маърифий ҳаётида алоҳида эътиборга сазовор бўлган, халқаро миқёсда эътироф этилган фундаментал тадқиқотлари, замон талабларига жавоб берадиган юксак, мазмунан долзарб ижодий ишлари учун адабиёт соҳасида Наим Каримовга – «Абдулла Қодирий замондошлари» асари учун Биринчи даражали Давлат мукофот берилди.