Ўзбекистон Республикаси Президентининг тегишли фармонлари билан Қобул Бекназарович Турсунов Навоий вилояти ҳокими лавозимидан озод этилди, Нормат Тулкунович Турсунов Навоий вилояти ҳокими вазифасини бажарувчи этиб тайинланди. Бу ҳақда Президент матбуот котиби Шерзод Асадов хабар берди.

Нормат Турсунов муқаддам Навоий вилояти давлат солиқ бошқармаси бошлиғи бўлган, 2017-2018 йилларда Давлат солиқ қўмитаси раиси ўринбосари вазифасида фаолият юритган, 2018 йил июнидан буён Тошкент шаҳар давлат солиқ бошқармаси бошлиғи лавозимида ишлаб келаётганди.