Ўзбекистондаги барча олий таълим муассасалари кутубхоналаридаги адабиётлар ягона платформага жамланди.

Олий ва ўрта махсус таълим вазирлигига кўра, 150 мингдан ортиқ электрон ресурсга эга ягона unilibrary.uz электрон кутубхонаси яратилган.

Эндиликда мазкур платформа орқали талабалар республикадаги барча давлат олий таълим муассасалари кутубхоналаридаги ўқув адабиётлар ҳамда илмий нашрларидан онлайн фойдаланишлари мумкин.

Платформада:

ўқув адабиётлар;
илмий мақолалар;
монографиялар;
диссертациялар;
авторефератлар

ва бошқа шу каби 150 мингдан ортиқ электрон ресурслар жамланган.

Ҳозирда олий таълим муассасалари томонидан адабиётларни рақамлаштириш ҳамда ушбу платформага жойлаштириш давом этаётгани қўшимча қилинган.