Шавкат Мирзиёев «Халқаро шартномани тасдиқлаш тўғрисида»ги қарори билан ўзбек-қирғиз тараққиёт жамғармасини ташкил этиш тўғрисидаги битим тасдиқланди.

Қарор билан 2021 йил 11 мартда Тошкент шаҳрида имзоланган Ўзбекистон ҳукумати ва Қирғизистон ҳукумати ўртасида Ўзбек–қирғиз тараққиёт жамғармасини ташкил этиш тўғрисидаги битим тасдиқланди.

Маълум қилинишича, ўзбек-қирғиз тараққиёт жамғармасини ташкил этишдан мақсад икки давлатнинг иқтисодиётини модернизациялаш ва ривожлантириш ҳамда ҳамкорлик имкониятларидан самарали фойдаланиш ҳисобланади.

Инвестициялар ва ташқи савдо вазирлиги битимни амалга ошириш учун масъул ҳисобланади.