“Маънавият карвони” навбатдаги манзил – Навоий вилоятига етиб борди. Бу сафарги гуруҳ 150 нафардан ортиқ илм-фан, адабиёт, санъат, маданият соҳаси вакилларидан ташкил топган.

Карвон Навоий вилояти темирйўл вокзалида тантанали кутиб олинди.

Ушбу карвон доирасида 20 дан зиёд лойиҳа ўтказилиши режалаштирилган.

"Маънавият карвони"нинг асосий тадбирлари эртадан бошланади. Ижодкор ва санъаткорлардан иборат жамоалар Навоий вилоятининг турли гўшаларида, таълим масканлари, маҳалла, корхона ва ташкилотларда учрашувлар ўтказишади.

Фестиваль доирасидаги тадбирлар Oyina.uz порталида мунтазам ёритиб борилади.

Фото: Холида МУСУЛМОНОВА.