“Халқаро анимация куни” муносабати билан Қозоғистон Республикаси Туркистон шаҳрида 29-30 октябрь кунлари “AMEN-2021” (International Animation Film Festival) анъанавий халқаро анимацион фильмлар фестивали бўлиб ўтди. Унда 49 та давлат иштирок этди.

Мазкур фестивалда ёш режиссёр Азиз  Муҳаммедовнинг “Ғилдиракли уй” анимацияси фестивалнинг “Гран при” бош совринини қўлга киритди. “Сеҳрли танбур” анимацияси эса “Энг яхши бадиий ечим” номинацияси бўйича мукофотланди.

Маълумот учун, мазкур фестиваль 2019 йилдан буён ўтказилади. Унда анимацион фильмлар намойишлари билан бирга, давра суҳбатлари, ижодий учрашувлар, маҳорат дарслари ва ижодий танловлар бўлиб ўтади.