13–17 октябрь кунлари Туркиянинг Бурса ва Кўня шаҳарларида Халқаро турк шеърияти фестивали бўлиб ўтаётгани ҳақида хабар бергандик.

Нуфузли анжуманда Ўзбекистон халқ шоири Хуршид Даврон машҳур сўфий шоир ва нақшбандия тариқатининг таниқли намояндаси Ниёзий Мисрий номидаги мукофот билан тақдирланди.

Халқаро турк шеърияти фестивалида Хуршид Даврондан ташқари, Зебо Мирзо, Шуҳрат Ориф каби шиорларимиз ҳам иштирок этмоқда.

Қайд этиш керак, туркий адабиётнинг 14 буюк шоири қаторида Рауф Парфига бағишланган тадбир ҳам дастурга киритилган.