11–15  октябрь кунлари Сирдарё вилоятида «Янги Ўзбекистонда эл азиз, инсон азиз» шиори остида маънавий-маърифий тадбирлардан иборат «Маънавият фестивали» бўлиб ўтяпти.

150 нафарга яқин шоир ва ёзувчилар, санъаткорлар, кино арбоблари, зиёлилар, олимлар, «Маърифат» тарғиботчилар жамияти аъзолари иштирокида Сирдарё вилоятининг барча туманларида турли концерт, бадиий кечалар, давра суҳбатлари ўтказилмоқда.

Айни вақтга қадар Маънавият карвони Мирзаобод ҳамда Сирдарё туманларида бўлиб, маданият маркази ва ҳарбий қисмда белгиланган тадбирларни кўтаринки руҳда ўтказишди.