Европа кенгаши раиси Шарль Мишель 28 октябрь куни Ўзбекистонга ташриф буюради.

Европалик сиёсатчи бу тўғрисида ўзининг Twitter саҳифасида маълум қилди.

У 28 октябрь куни Ўзбекистонга келиб, президент Шавкат Мирзиёев билан учрашишни режалаштирган.

«ЕИ Марказий Осиё билан алоқаларни чуқурлаштиришга ва минтақавий ҳамкорликни қўллаб-қувватлашга тайёр», — деб ёзади сиёсатчи.

Бундан ташқари, Шарл Мишел Қозоғистон президенти Қосим-Жўмарт Тўқаевнинг билан ҳам учрашади.

Қайд этиш керак, 2021 йилнинг август ойида Шавкат Мирзиёев ва Шарл Мишел Афғонистондаги вазиятни муҳокама қилганди.