Халқаро олимлар жамоаси Сатурннинг йўлдошларидан бири Энселадда ҳаёт эҳтимоли борлиги ҳақидаги гипотеза фойдасига янги далиллар топди.

Тадқиқотчилар муз қатлами билан қопланган Энселад океанида биологик ҳаёт учун зарур элемент бўлган эриган фосфор бўлиши мумкинлигини тахмин қилган.

Фосфор инсон ва ҳайвонларда суяклар, ҳужайра мембраналари ва ДНКнинг муҳим таркибий қисмидир. Аввал олимлар йўлдошда водород, азот, кислород ва олтингугуртни, яъни ҳаёт пайдо бўлиши учун муҳим элементларни топган эди. Аммо фосфор етишмаслиги туфайли Энселад ҳаёт учун яроқсиз деб ҳисобланганди.