Аҳмад Лутфий Қозончи "Ўгай она",  "Қайнона", "Сўнгги тўфон", "Бир виждон уйғонур" каби асарлари билан, пайғамбаримиз (соллаллоҳу алайҳи васаллам) ҳаёти асосида ёзилган "Саодат асри қиссалари", шунингдек, саҳобалар ҳаётидан ҳикоя қилувчи “Ҳазрат Абу Бакр Сиддиқ”, "Ҳазрати Умар ибн Ҳаттоб" китобларининг муаллифи сифатида ўзбек китобхонлари орасида шуҳрат қозонган.

Яқинда таниқли ижодкор Муаззам Иброҳимова Бурсага сафар чоғида ёзувчи хонадонида бўлиб, зиёрат қилгани ҳақида хабар берди. Ушбу видео лавҳада Аҳмад Лутфий Қозончи ўзбек халқига салом йўллаб, "Пайғамбаримиз аёли" номли асар ёзаётганини маълум қилган.