Отабек Носиров Янгиер шаҳрига ҳоким этиб тайинланди. Бу ҳақда ЎзА хабар бермоқда.

Носиров 2019 йилдан буён Сирдарё вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимида ишлаб келаётганди.

У ушбу лавозимда 2022 йилнинг июль ойида касаллик туфайли вафот этган Илёр Хўжаевнинг ўрнини эгаллайди.

Отабек Носиров 1976 йилда туғилган, маълумоти олий. 1999 йилда Жиззах политехника институтини, 2007 йилда Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.