Ўзбекистонлик спорт гимнастикасининг тирик афсонаси, Олимпия ўйинларида қатнашиш бўйича жаҳон рекордчиси Оксана Чусовитина Яшнобод тумани Давлат хизматлари марказида спорт таълими фаолияти билан шуғулланиш учун “Chusa sport team” масъулияти чекланган жамиятини рўйхатдан ўтказди. Бу ҳақда Туризм ва спорт вазирлиги хабар берди.

«Машҳур спортчи кўрсатилган давлат хизмати сифати ҳамда бир жойда кўплаб хизматлардан фойдаланиш имкони яратилганидан мамнун эканлигини билдирди.

 

Умид қиламизки, ушбу мактабдан янги Оксана Чусовитиналар етишиб чиқади», дейилади хабарда.