Kuni kecha “Ipak yoʻli durdonasi” XIV Toshkent xalqaro kinofestivalining tantanali ochilish marosimi boʻlib oʻtdi.

Unda mehmonlar, taniqli xorij hamda milliy sanʼat vakillari, delegatsiyalar kinofestivalning qizil gilamidan birin-ketin oʻtishdi.

Shundan soʻng, “Ipak yoʻli durdonasi” XIV Toshkent xalqaro kinofestivalning tantanali ochilishi marosimiga bagʻishlangan shov-shuvli konsert dasturi boshlandi.

Kinofestivalda dunyoning 40 ta davlatidan 500 dan ortiq kinematograflar, sanʼat arboblari, kinoyulduzlar ishtirok etmoqda.

Shundan soʻng, “Ipak yoʻli durdonasi” XIV Toshkent xalqaro kinofestivali ochilish marosimi boshlandi.

Tadbir avvalida Oʻzbekiston Respublikasi Prezidenti Shavkat Mirziyoyev xalqaro kinofestival ishtirokchilarini tadbir ochilish marosimi bilan samimiy tabriklab, festival ishiga muvaffaqaiyat tiladi.

Tabrikni Oʻzbekiston Respublikasi Prezidentining yoshlar, fan, taʼlim, sogʻliqni saqlash, madaniyat va sport masalalari boʻyicha maslahatchisi Odil Abdurahmonov oʻqib eshittirdi.