15-sentyabr kuni Samarqanddagi Kongress markazida davlat tashrifi bilan mamlakatimizda boʻlib turgan Xitoy Xalq Respublikasi Raisini rasmiy kutib olish marosimi boʻldi. Bu haqida Prezident matbuot xizmati xabar berdi.

Oʻzbekiston Prezidenti Shavkat Mirziyoyev va Xitoy Raisi Si Szinpin shohsupaga koʻtarildilar. Ikki davlat madhiyalari yangradi. Faxriy qorovul tantanali ravishda saf tortib oʻtdi.

Marosimda ikki mamlakat rasmiy delegatsiyalari aʼzolari ham hozir boʻldi. Birgalikda suratga tushilgandan soʻng Oʻzbekiston va Xitoy yetakchilarining muzokaralari boshlandi.