Oʻzbekiston Prezidenti Shavkat Mirziyoyev va Eron Prezidenti Ibrohim Raisiy ikki mamlakat oʻrtasidagi koʻp qirrali hamkorlikni yanada kengaytirish masalalarini muhokama qilmoqda. Bu haqida Prezident matbuot xizmati xabar qildi. 

Diqqat markazida - oʻzaro savdo hajmini oshirish, kooperatsiyani kuchaytirish, sanoat, innovatsiyalar, qishloq xoʻjaligi, energetika, transport va logistika, boshqa ustuvor yoʻnalishlarda qoʻshma loyihalarni amalga oshirish.

Mintaqada samarali transport yoʻlaklarini rivojlantirish imkoniyatlari koʻrib chiqiladi.

Oʻzbekiston va Eron yetakchilari dolzarb mintaqaviy masalalar, shu jumladan Afgʻonistonda yuzaga kelayotgan vaziyat, SHHT doirasidagi koʻp tomonlama hamkorlik masalalarini ham muhokama qiladilar.

Prezidentimiz bugun shuningdek, BMT bosh kotibi oʻrinbosari va Moʻgʻuliston rahbarlari bilan ham uchrashdi.