Prezident Administratsiyasi rahbari oʻrinbosari Komil Allamjonov ota-onalar, oʻqituvchilar va taʼlim sifatiga befarq boʻlmaganlarga murojaat yoʻlladi.

Uning soʻzlariga koʻra, hozirda Prezident Administratsiyasi huzurida tuzilgan ishchi guruh maktab darsliklari, oʻquv rejalari va kitoblarning unga mosligi, bu sohadagi muammolar va uning yechimi yuzasidan oʻrganish ishlarini boshladi. 

“Agarda sizda shu yoʻnalishdagi muammolar, ularning yechimi haqida takliflar boʻlsa, iltimos, mening k.allamjonov@adm.gov.uz elektron manzilimga yuborishingizni soʻraymiz”, deydi Komil Allamjonov. 

Maʼlum qilinishicha, taqdim etilgan maʼlumot va taklif holatga aniq diagnoz qoʻyish va uning davosini belgilashda katta yordam boʻladi.