“Dushanbe – Toshkent – Dushanbe” yoʻnalishidagi 301/302-sonli halqaro yoʻlovchi poyezdning chiptalariga chegirmalar joriy qilindi.

Qayd etilishicha, “Oʻzbekiston temir yoʻllari” AJ va “Rohi ohani Tojikiston” DUK rahbariyatlari ishtirokida oʻtkazilgan muzokaralarda Oʻzbekiston va Tojikiston davlatlari oʻrtasida qatnovchi halqaro yoʻlovchi poyezdlarning chiptalar narxini pasaytirish masalasi koʻrib chiqilgan.

Unga koʻra, 2022-yil 6-sentyabrdan boshlab, 301/302-sonli “Dushanbe – Toshkent – Dushanbe” yoʻnalishidagi halqaro yoʻlovchi poyezdining chiptalariga belgilangan chipta narxining tarif qismiga qoʻshimcha 20 foiz chegirma berilishiga qaror qilindi.