Yagona portal (my.gov.uz) orqali avtomototransport vositalari bilan bogʻliq xizmatlarda uzilishlar yuzaga kelmoqda.

Qayd etilishicha, Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining “Avtomototransport hisobi” va “Haydovchilik guvohnomasi” axborot tizimlari “Yagona avtomatlashtirilgan axborot tizimi”ga oʻtmoqda.

Shu sabab, yagona portaldagi avtomototransport vositalari bilan bogʻliq (Eski namunadagi milliy haydovchilik guvohnomalarini yangisiga almashtirish, Avtotransport oynalarining tusini oʻzgartirishga ruxsatnoma olish, Avtotransport boshqaruvi uchun jismoniy shaxslarga elektron ishonchnoma berish) xizmatlarda uzilishlar yuzaga kelmoqda.

Yuzaga kelayotgan muammolarni bartaraf etish boʻyicha Ichki ishlar vazirligi mutaxassislari tomonidan zarur chora-tadbirlar amalga oshirilayotgani bildirilgan.