Bugun, 6-senyabr kuni Toshkentning Sergeli tumanidagi koʻp qavatli uyning 5-qavatida osilib qolgan 14 yoshli qiz qutqarildi. Bu haqida Favqulodda vaziyatlar vazirligi xabar berdi.

Vazirlikka koʻra, soat 09:47 da Toshkent shahar Favqulodda vaziyatlar boshqarmasiga fuqaro D.Q tomonidan Sergeli tumani “Ittifoq” MFY Sergeli 2-dahasida joylashgan koʻp kvartirali uyning 5-qavatida 14 yoshli qiz bola osilib qolgani toʻgʻrisida xabar kelib tushgan. 

Zudlik bilan voqea joyiga FVV qutqaruvchilari yetib borgan va voyaga yetmagan fuqaro avtonarvon hamda maxsus anjomlar yordamida qutqarilgan.