Shuhrat Teshayev boshqa ishga oʻtishi munosabati bilan Qishloq xoʻjaligi vazirining birinchi oʻrinbosari lavozimidan ozod etildi.

Shuhrat Teshayev 2019-yilning fevralidan buyon Qishloq xoʻjaligi vazirining birinchi oʻrinbosari lavozimida ishlab kelayotgan edi. Unga qadar Fargʻona viloyati hokimining qishloq va suv xoʻjaligi masalalari boʻyicha oʻrinbosari, Paxtachilik ilmiy-tadqiqot instituti Bosh direktorining oʻrinbosari, “Paxta” ilmiy-ishlab chiqarish birlashmasi bosh direktori, Qishloq va suv xoʻjaligi vaziri sifatida faoliyat yuritgan.

Qishloq xoʻjaligi vazirining birinchi oʻrinbosari sifatida Teshayev paxtachilik, gʻallachilik, qishloq xoʻjaligini mexanizatsiyalashtirish va qishloq xoʻjaligining suv resurslariga boʻlgan ehtiyojini tahlil qilish masalalari bilan shugʻullangan.