Ayni damda Davlat bojxona qo‘mitasining Bojxona institutida saylov qizg‘in kechmoqda. Institut kursantlari ko‘tarinki kayfiyatda o‘zlari uchun munosib nomzodga ovoz berishyapti.

– Men saylovda ilk bora ishtirok etmoqdaman. Hozirgina o‘zim uchun munosib deb topgan nomzodga ovoz berdim, - deydi institutning 3-kurs kursanti Usmonov Sobitxon. - Bugungi saylovda ishtirok etishim nafaqat o‘z taqdirimga, balki yurtim taqdiriga daxldor deb bilaman. Mening ovozim ahamiyatga ega ekanligini his qilishning o‘zi katta baxt.

 – Saylov va saylov oldi jarayonlarda biz uchun barcha sharoitlar muhayyo qilindi, - deydi 2-kurs kursanti Sotvoldiyeva Hilola - Saylovoldi targ‘ibot tadbirlari, saylov uchastkasidagi ko‘rgazmali vositalar orqali yetarlicha ma’lumotlarga ega bo‘ldik. Shulardan kelib chiqib, bugun o‘z qarorimni qabul qildim va ovoz berdim. 

Jarayon davom etmoqda.