“Apple” kompaniyasi 7-sentyabr kuni iPhone 14 smartfonlari va boshqa yangi tovarlari taqdimotini oʻtkazishni rejalashtirmoqda. Bu haqda kompaniya rejalari bilan tanish manbalarga tayanib, “Bloomberg” xabar berdi.

Taqdimot onlayn tarzda oʻtkaziladi. Kompaniya allaqachon video taqdimotini yozish ishlarini olib bormoqda. iPhone 14 ishlab chiqarilishi 14-sentyabrdan boshlanadi, sotuv sentyabr oyi oʻrtalariga moʻljallangan. Ayrim Apple Store xodimlariga 16-sentyabrdagi taqdimotga tayyorgarlik koʻrish tavsiya qilingan.

“Apple” iPhone 14ʻning toʻrtta modelini taqdim etadi. Oddiy versiyalarida A15 Bionic chipi saqlanib qoladi, Pro versiyalarida esa A16 Bionic, yangi ekran kesiklari va 48 megapiksel kamera boʻladi. Apple Watch Series 8 ikkita versiyada chiqariladi. Kompaniya Apple Watch SEʻni ham yangilaydi.