21-22-oktabrda O‘zbekiston hududiga Kaspiy dengizi orqali Kavkaz hududlari ustida shakllangan nam va sovuq havo massalari kirib keladi. Bu haqda Gidrometeorologiya xizmati xabar berdi.

21-22-oktabrda respublika bo‘yicha ba’zi joylarda yomg‘ir yog‘adi. Tog‘ oldi va tog‘li hududlarda yog‘ingarchilik (yomg‘ir, qor), ba’zi joylarda kuchli bo‘ladi, ko‘rinuvchanlik yomonlashadi.

Havo harorati 10-13° ga, 21-oktabrda kunduz kuni 8-13° iliqqacha, 22-oktabrda kechasi 3° iliqdan 2° sovuqgacha pasayishi kutilmoqda.

21-22-oktabrda respublika bo‘yicha ba’zi joylarda shamol tezligi 15-20 m/s gacha kuchayishi kutilmoqda.