Polshalik shaxmatchi, FIDE masteri Kamil Plichta oʻzbekistonlik grossmeyster Nodirbek Abdusattorovning gʻalabasiga oʻzgacha reaksiya bildirdi.

“Keyingi farzandimning ismini Nodirbek qoʻyaman. Hatto qiz boʻlsa ham farqi yoʻq”, – degan  Plichta oʻzining Twitter sahifasida.

Nodirbek Butunjahon shaxmat Olimpiadasining 10-turida Hindiston vakili Gukesh Dommaraju ustidan gʻalabaga erishdi. Partiyaning katta qismida Hindiston vakili dominantlik qildi, biroq Nodirbek bahs davomida raqibining xatosidan foydalanib, gʻalabani ilib ketdi.

Oʻzbekiston erkaklar terma jamoasi soʻnggi 11-tur doirasida Niderlandiyaga qarshi dona suradi. Mazkur bellashuvdagi gʻalaba Oʻzbekistonga chempionlikni olib kelishi mumkin.