Toshkent davlat sharqshunoslik universiteti 21-oktabr – O‘zbek tili bayramiga bag‘ishlab, 28-oktabrdan Eron Islom Respublikasining yetakchi universitetlaridan biri Alloma Tabotaboiy oliygoxida o‘zbek tili kurslarini onlayn tarzda yo‘lga qo‘ymoqda.

Mazkur kurs ushbu universitetdagi “Turk tili va adabiyoti” kafedrasi talabalarini o‘qitish uchun mo‘ljallangan. O‘quv kursi leksik, grammatik va madaniyatlararo muloqotni rivojlantirishga qaratilgan materiallarni o‘z ichiga olib, ular O‘zbekiston tarixi, madaniyati va zamonaviy hayotini aks ettiruvchi matnlardan iborat bo‘ladi.