Oʻzbekistonning Shvetsiyadagi yangi elchixonasining birinchi diplomati 3-avgust kuni poyxat Stokgolmga yetib bordi, deb xabar bermoqda Dunyo axborot agentligi.

Qayd etilishicha, diplomatik missiya maslahatchisi lavozimiga tayinlangan Nodir Gʻaniyev Oʻzbekiston Respublikasining Shvetsiya qirolligidagi muvaqqat ishlar vakili vazifasini bajaradi.

U Fargʻona shahrida tugʻilgan, 50 yoshda. 1993-yil Toshkent davlat universitetini (hozirgi Oʻzbekiston Milliy universiteti) filolog-sharqshunos mutaxassisligi boʻyicha tamomlagan. 1994-yildan buyon Tashqi ishlar vazirligi tizimida faoliyat yuritib, markaziy apparatda va mamlakatning xorijdagi diplomatik vakolatxonalarida turli lavozimlarda ishlagan.

Shvetsiyaga joʻnab ketishdan oldin u Tashqi ishlar vazirligining Yevropa mamlakatlari va YEI institutlari bilan hamkorlik boshqarmasi boshligʻi lavozimida ishlagan.

Ingliz, arab, rus va fransuz tillarini biladi.

Stokgolmdagi diplomatik vakolatxona Oʻzbekistonning xorijiy davlatlardagi 36-elchixonasi boʻladi.