O‘zbekiston Respublikasi Prezidentligiga nomzod Shavkat Mirziyoyevning navoiylik saylovchilari bilan uchrashuvi boshlandi. Shavkat Mirziyoyev saylovoldi dasturi doirasida viloyatda ziyorat turizmini rivojlantirishga oid rejalarini ma’lum qildi.

Ulug‘ avliyo, mavlono Orif Deggaroniy nomi bilan ataladigan me’moriy majmuani restavratsiya qilish hamda uni sayyohlik marshrutiga kiritish, Karmana tarixini har tomonlama chuqur o‘rganish, bu shaharning yoshini aniqlash bo‘yicha ilmiy tadqiqotlarni kuchaytirish zarurligi ta’kidlandi.

Shuningdek, Nurota shahrida “Kashtachilik markazi” hamda Navoiy shahrida zamonaviy talablarga javob beradigan drama teatrini barpo etish taklif etildi.