Xitoyning Shansi provinsiyasida suv toshqinlari davom etmoqda. Qariyb 2 million aholi, jumladan, yirik shaharlarda yashovchilar uylarini tark etishiga to‘g‘ri keldi. Bu haqda Azon.uz xabar qilmoqda.

Mahalliy OAV xabariga ko‘ra, suv toshqini tufayli provinsiya bo‘ylab 1,8 million aholi uylarini tark etdi. Evakuatsiya ishlari davom etmoqda.

Kuchli yomg‘ir qutqaruvchilar ishini qiyinlashtiryapti. Shansida kuchli yog‘ingarchilik o‘tgan haftada boshlangan edi. Yog‘ingarchiliklar ko‘chkilarga ham sabab bo‘ldi.

Bir necha oy avval bu yerda suv toshqinlari 300 kishining o‘limiga sababchi bo‘lgan edi.