Prezident 7-iyul kuni “Avtotransport vositalarini boshqarishda va yoʻnalishsiz taksi faoliyatini amalga oshirishda qoʻshimcha qulayliklar yaratish toʻgʻrisida”gi qarorni imzoladi. Bu haqda Adliya vazirligi xabar berdi.

Qarorga koʻra, 2022-yil 1-sentyabrdan avtotransportni boshqarish uchun ishonchnomalarni Yagona interaktiv davlat xizmatlari portali orqali (my.gov.uz) elektron rasmiylashtirish yoʻlga qoʻyiladi.


Elektron ishonchnoma uchun davlat boji ishonchnomani notarial tasdiqlash uchun belgilangan davlat bojiga (BHMning 3 baravari — 900 ming soʻmga) nisbatan quyidagi foizlarda undiriladi:


bir oygacha boʻlgan muddatga — 10 foiz (90 ming soʻm);
olti oygacha boʻlgan muddatga — 50 foiz (450 ming soʻm);
uch yilgacha boʻlgan muddatga — 100 foiz (900 ming soʻm).
Elektron ishonchnomani notarial tasdiqlash talab etilmaydi va u YPX xodimlari tomonidan elektron tekshiriladi.