Shanxay hamkorlik tashkiloti Mintaqaviy aksilterror tuzilmasi Qoraqalpogʻistondagi voqealarga munosabat bildirib, Oʻzbekiston hukumatini qoʻllab-quvvatladi. Bu haqida tashkilot saytida xabar berildi.

Tashkilotning Mintaqaviy aksilterror tuzilmasi Ijroiya qoʻmitasi Konstitutsiyaga zid koʻrinishlar va ijtimoiy-siyosiy vaziyatni beqarorlashtirishga urinishlarni qoralab, barqarorlik, xavfsizlik va barqaror taraqqiyotni saqlash tarafdori ekanini bildirgan.

Oʻzbekiston hukumati tomonidan qonunchilik va huquq-tartibotni taʼminlash, fuqarolarning huquq va erkinliklarini himoya qilish, koʻp millatli Oʻzbekistondagi barcha xalqlarning millatlararo totuvligi va tinch-totuv yashashi boʻyicha koʻrilayotgan chora-tadbirlar qoʻllab-quvvatlangan.