Prezident Shavkat Mirziyoyev raisligida ilmga asoslangan urugʻchilik va agrotexnologiyalar hisobiga paxta ishlab chiqarish hajmini oshirish hamda paxtani chuqur qayta ishlash asosida toʻqimachilik mahsulotlari eksportini koʻpaytirish chora-tadbirlari yuzasidan videoselektor yigʻilishi boʻlib oʻtmoqda.

Yigʻilishda klasterlar faoliyatining huquqiy kafolatlari kuchaytirilishi belgilandi.

Avvalo, hokimlarga klasterlarning ichki ish faoliyatiga aralashish taqiqlanadi.

“Klaster oʻzini ishi bilan shugʻullansa, tumanda sanoat, ish oʻrinlari, eksport va daromad boʻladi.

 

Buni tushunmagan hokimlar esa klasterlarni kun davomida majlisma-majlis olib yurish, boshqa ishlarga jalb qilish bilan ovora”, dedi Prezident.

Bundan buyon bitta tumanda koʻpi bilan 2 ta klaster tashkil etishga ruxsat beriladi (hozir – 3 tagacha).