Maldiv davlatining Ukulxas orolida 8 yoshdan 18 yoshgacha boʻlgan shaxmatchilar oʻrtasida nufuzli Gʻarbiy Osiyo chempionati bahslari boʻlib oʻtdi. 

Unda oʻzbekistonlik shaxmatchilar 10 ta oltin, 8 ta kumush va 5 ta bronza medallarini qoʻlga kiritib, umumjamoa hisobida 2-oʻrinni egalladi.

Mazkur turnirda 170 ga yaqin shaxmatchilar qatnashgan. 

Qayd etilishicha, shaxmatchi qizlarimiz Umida Omonova va Afruza Xamdamovalar Gʻarbiy Osiyo chempionatidagi barcha yoʻnalishlarda (standart, blis va rapid) oltin medallarni qoʻlga kiritib, Gʻarbiy Osiyo chempionati mutlaq gʻolibi boʻldi.

Bugun tungi soat 02:40 da shaxmatchilar Oʻzbekistonga qaytib kelishadi. Ularni Toshkent Xalqaro Aeroportida jamoamiz bilan munosib kutib olish rejalashtirilgan.