Shavkat Mirziyoyev konstitutsiyaviy islohotlarni umumxalq referendumi oʻtkazish orqali amalga oshirishni taklif qilgan.

“Albatta, xalqimizdan Komissiyaga kelib tushgan barcha muhim va dolzarb takliflarni bugun Sizlar bilan batafsil muhokama qilish imkoniyatiga ega emasmiz. Men ularning ayrimlariga toʻxtalib oʻtdim, xolos. Komissiya taklifi asosida Parlament tomonidan ishlab chiqilgan loyihani umumxalq muhokamasida koʻrib chiqishni hamda referendum oʻtkazish yoʻli bilan qabul qilishni taklif etaman”, degan davlat rahbari.

Amaldagi qonunchilikka koʻra, parlamentning oʻzi ham Konstitutsiyaga oʻzgartish kiritish vakolatiga ega. Lekin prezident konstitutsiyaviy islohot fuqarolar fikri va qoʻllab-quvvatlashi asosida referendum orqali amalga oshirilsa, haqiqiy xalq Konstitutsiyasi boʻlishini aytgan.

“Bu «Konstitutsiyaning yagona manbai va muallifi – xalqdir” degan tamoyilga toʻla mos keladi. Shunda har bir vatandoshimiz “Yangi Oʻzbekiston Konstitutsiyasi – mening Konstitutsiyam” deb yuksak gʻurur bilan ayta oladi», degan prezident.