Futbol boʻyicha U-23 Osiyo Kubogi - 2022 musobaqasining finalida Oʻzbekiston U-23 va Saudiya Arabistoni terma jamoalari oʻzaro toʻqnash keladi.

“Bunyodkor” stadionida boʻlib oʻtadigan oʻyinga muxlislar chipta xarid qilgan holda kirishi mumkin boʻladi. Qayd etilishicha, chiptalar 17-iyun kunidan sotuvga chiqariladi. “Ularning narxi sektorga qarab 100, 50 va 25 ming soʻmdan sotilishi rejalashtirilgan”, deya yozmoqda PFL bosh direktori Diyor Imomxoʻjayev.

Chiptalar elektron shaklda sotuvga chiqarilishi kutilmoqda.

Qayd etish kerak, U-23 Osiyo Kubogi—2022 oʻyinlari uchun kirish chiptalari shu vaqtga qadar tekin boʻlgan edi.