Hukumat qarori bilan “IT-Park University” raqamli universiteti tashkil qilindi.

Universitet masʼuliyati cheklangan jamiyat shaklidagi nodavlat oliy taʼlim tashkiloti hisoblanadi. 

Universitetda axborot-kommunikatsiya texnologiyalari, dasturiy taʼminotni ishlab chiqish, axborot tizimi va kompyuter tarmoqlarini boshqarish sohalari boʻyicha oliy maʼlumotli kadrlar tayyorlanadi. 

Taʼlim faoliyati 2022/2023 oʻquv yilidan boshlanadi va talabalarni oʻqitish toʻlov-kontrakt asosida amalga oshiriladi.

Taʼlim jarayoni kredit-modul tizimi asosida tashkil etiladi.

Universitetda oʻqitish masofaviy taʼlim shaklida olib boriladi, shuningdek, qonunchilikka muvofiq boshqa taʼlim shakllarda ham amalga oshirilishi mumkin.

Bitiruvchilarga Oʻzbekistonda oliy taʼlim toʻgʻrisidagi hujjat sifatida tan olinadigan diplom beriladi.