DTM chet tilidan ijodiy imtihon tartibi va savollar namunalarini e’lon qildi

Saqlash
17:05 / 27.05.2022 935 0

Bu yil 6 ta OTMning kirish imtihonida chet tilidan ilk marta odatiy test o‘rniga ijodiy (kasbiy) imtihon o‘tkaziladi. DTM imtihon qay tartibda o‘tishi va savollar haqida ma’lumot berdi.

 

2022–2023 o‘quv yili qabulidan boshlab xorijiy tillar bo‘yicha mutaxassislarni tayyorlashga ixtisoslashgan

 

  • O‘zbekiston davlat jahon tillari universiteti;
  • Samarqand davlat chet tillar instituti;
  • Toshkent davlat sharqshunoslik universitetining

 

fanlar majmuasiga chet tili birinchi fan sifatida kiritilgan bakalavriat ta’lim yo‘nalishlariga hamda

 

  • Toshkent davlat pedagogika universiteti;
  • Qo‘qon davlat pedagogika instituti;
  • Nukus davlat pedagogika institutining xorijiy tillar bo‘yicha pedagoglarni tayyorlovchi bakalavriat ta’lim yo‘nalishlariga kirish imtihonlarida chet tili fanidan tinglab tushunish, o‘qish, yozish hamda gapirish kompetensiyalarini aniqlash va baholashga qaratilgan kasbiy (ijodiy) imtihon o‘tkaziladi.

 

DTMning xabar berishicha, ijodiy imtihon uchun jami 2 soat 45 daqiqa vaqt ajratiladi. Lekin aprobatsiyalar natijasiga ko‘ra o‘zgarishlar bo‘lishi mumkin.

 

1-bo‘lim: Tinglab tushunish (45 daqiqa / 5 qism / 30 savol/ 30 ball)

2-bo‘lim: O‘qish (60 daqiqa / 5 qism / 30 savol/ 30 ball)

3-bo‘lim: Yozish (45 daqiqa / 2 topshiriq / 30 ball)

4-bo‘lim: Gapirish (15 daqiqa / 3 qism / 30 ball)

 

Jami to‘planishi mumkin bo‘lgan ball: 120 ball

 

 

Izoh yo‘q

Izoh qoldirish