Toshkent shahar IIBB uch kishi qidiruvga berilganini eʼlon qildi. Quyida ularning maʼlumotlari keltirilgan.

1. Salimova Surayyo Mirkarimovna, 1986-yilda tugʻilgan, 2021-yilning noyabr oyida Uchtepa tumani 24-dahasida joylashgan uyidan chiqib ketib bedarak yoʻqolgan.

Belgilari: boʻyi 160-165 sm, koʻzi va sochlari qora, yuzining chap tarafida holi bor.

Kiyimlari: pushti rangli sviter, oq shim, qora krossovka.

2. Abduvaitov Dilshod Abdugʻani oʻgʻli, 1995-yilda tugʻilgan, joriy yilning 23-yanvar kuni, Mirzo Ulugʻbek tumani, Ravnaq koʻchasida joylashgan uyidan chiqib ketib bedarak yoʻqolgan.

Belgilari: boʻyi 180-185 sm, oʻrtacha gavdali, sochlari qora.

Kiyimlari: yashil kurtka, jinsi shim, koʻk rangli krossovka.

3. Nazarbekova Yekaterina Djunosovna, 1984-yilda tugʻilgan, joriy yilning 11-aprel kuni Mirobod tumani, Qoʻyliq-3 mavzesida joylashgan uyidan chiqib ketib bedarak yoʻqolgan.

Belgilari: boʻyi 175-180 sm, gavdali, kalta qora sochli, koʻzlari koʻk.

Kiyimlari: koʻk sviter, qora shim va qora rangli oyoq kiyimi (tapochka).

“Hurmatli fuqarolar! Agar Sizda yuqoridagi shaxslar toʻgʻrisida maʼlumot boʻlsa, eng yaqin ichki ishlar boʻlimiga yoki 102 raqami orqali xabar berishingizni soʻraymiz”, deyiladi IIBB xabarida.