Toshkent metropolitenida Olmazor bekatida erkak ehtiyotsizligi sabab poezd tagiga tushib ketdi. Metropoliten matbuot kotibi holat yuzasidan ma'lumot berdi.

Qayd etilishicha, Olmazor bekatida 1964 yilda tug‘ilgan fuqaro O.Z. metro vagoniga tezroq kirish uchun shoshilib borayotgan bo‘lgan, u ehtiyotsizligi sabab harakatlanishga tayyorgarlik ko‘rayotgan poezd yo‘liga tushib ketgan.

Metropoliten xodimlari hamda yo‘lovchilarning tezkorligi sabab fuqaro hech qanday tan jarohatlarsiz zudlik bilan poezd yo‘lidan qutqarib olingan.