Samarqand  viloyati FVBning xabar berishicha, kecha, 16 may kuni soat 12:39 da Samarqand viloyati Kattaqo‘rg‘on shahri "Oqoltin" MFYda joylashgan "Xalq" qabristonida yong‘in sodir bo‘layotganligi to‘g‘risida shahar FV bo‘limiga xabar kelib tushgan.

Voqea joyiga 2 ta yong‘in-qutqaruv ekipajilari jalb etilgan. Yong‘inga soat 12:45 da yetib borilgan va soat 13:20 da yong‘in to‘liq bartaraf etilgan.

Yong‘in natijasida qabristonning taxminan 1 ga maydonida xas-xashak yongan. Hodisa oqibatida halok bo‘lgan va jabrlanganlar yo‘q.

Hozirda tergovga qadar tekshirish ishlari olib borilmoqda, deyiladi xabarda.