Oʻzbekistonda 16 mingdan ziyod inson “qora roʻyxat”dan chiqarilgan. 

Bu haqida Toshkent shahrida oʻtayotgan “Deklaratsiyalar muloqoti” xalqaro forumida Din ishlari boʻyicha qoʻmita raisining birinchi oʻrinbosari Davronbek Maxsudov maʼlum qildi.

“Prezidentimiz Shavkat Mirziyoyev ilgari surgan tashabbus asosida 2018-yili BMT Bosh Assambleyasining yalpi sessiyasida «Maʼrifat va diniy bagʻrikenglik” deb nomlangan maxsus rezolyutsiyaning amaliy ifodasi mamlakatimizda diniy-maʼrifiy sohada olib borilayotgan islohotlarda yaqqol ifodasini topmoqda. Xususan, turli gʻarazli kuchlar taʼsirida diniy-ekstremizm faoliyatiga adashib kirib qolgan 16 mingdan ziyod inson huquqni muhofaza qilish organlari “qora roʻyxati”dan chiqarildi», dedi Davronbek Maxsudov.