Shavkat Mirziyoev 15 may kuni  Abu Dabi shahrida Birlashgan Arab Amirliklari yangi prezidenti Muhammad bin Zoid Ol Nahayon bilan uchrashib, ta'ziya bildirdi. Bu haqida Prezident matbuot xizmati xabar berdi.

Shuningdek, Prezident BAA tashqi ishlar vaziri Abdulla bin Zoid Ol Nahayon hamda bosh vazir o‘rinbosari, prezident ishlari bo‘yicha vazir Mansur bin Zoid Ol Nahayon bilan uchrashib, ularga ham ta'ziya bildirgan.

Ta'kidlanishicha, ta'ziya marosimida Frantsiya prezidenti Emmanuel Makron, Buyuk Britaniya bosh vaziri Boris Jonson, Qozog‘iston prezidenti Qosim-Jo‘mart To‘qaev, Turkmaniston xalq Maslahati raisi Gurbanguli Byerdimuhamedov, Misr prezidenti Abdulfattoh as-Sisi, Pokiston bosh vaziri Shahboz Sharif, O‘mon Sultoni Haysam bin Toriq, Isroil bosh vaziri Naftali Bennet — jami 40 ga yaqin davlat va hukumat rahbarlari qatnashgan.