2022-2023-yillar kuz-qish mavsumiga tayyorgarlik jarayonida Mirobod tumani Nukus koʻchasidagi magistral issiqlik quvurlarida taʼmirlash ishlari olib boriladi. Bu haqida hokimlik matbuot xizmati xabar berdi.

Shu sababli, 14-may 00:00 dan koʻchaning “Asia alliance bank” qarshisidagi qismida yoʻlning bir tomoni vaqtincha yopilgan.

Shuningdek, ushbu hududdagi bir necha koʻp qavatli uylarda issiq suv taʼminoti toʻxtatiladi.

Taʼmirlash jarayoni 15-may kuni tugatilishi rejalashtirilgan.