Bosh prokuratura huzuridagi iqtisodiy jinoyatlarga qarshi kurash departamenti Samaraqand viloyati boshqarmasi hamda Davlat xavfsizlik xizmati boshqarmasi hamkorligida Samarqand shahrida tezkor tadbir o‘tkazilgan.

Unda “Mikrokreditbank” filiali rahbari, 1982-yilda tug‘ilgan fuqaro Samarqand shahrida joylashgan MChJga 2 mlrd. so‘m kredit ajratib berish uchun tadbirkordan 10 ming dollar pora talab qilgan va 6 ming dollar olayotgan vaqtda ashyoviy dalillar bilan qo‘lga olingan.

Hozirda mansabdorga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.