Toshkent shahar Uchtepa tumani prokuraturasi tergovchisi 50 ming dollarni pora tariqasida olganda qo‘lga olingan.

Mazkur holatni Bosh prokuratura matbuot kotibi Hayot Shamsutdinov tasdiqladi.

Uning ma’lum qilishicha, 29 aprel kuni DXX Toshkent shahar boshqarmasi va Toshkent shahar prokuraturasi hamkorligida o‘tkazilgan tezkor tadbirda Uchtepa tumani prokuraturasi tergovchisi 50 ming dollarni pora tariqasida olganda ko‘lga olingan.

Holat yuzasidan jinoyat ishi ko‘zg‘atilib, Toshkent shahar prokuraturasi tomonidan tergov o‘tkazilmoqda.